තොටගමුවේ ශ්‍රී රාහුල හිමි පිළිබදව අසා නැති සිංහලයෙක් මෙරට ඇතැයි සිතිය නොහැකිය.අදුරු ආගාධයකට ඇදෙමින් පැවති කෝට්ටේ යුගයේ සිංහල සාහිත්‍ය නැවත ස්වර්ණමය තත්ත්වයකට නැංවූයේ තොටගමුවේ ශ්‍රී රාහුල හිමියන් හා උන් වහන්සේගේ ප්‍රධාන ගෝලයා වූ වෑත්තෑවේ හිමියන් බව අතිශෝක්තියෙන් තොරව දැක්විය හැකිය.
ෂඩ් භාෂා පරමේශ්වර,මහා කවි,සංඝරාජ ආදී ගෞරව නාම රාශියකින් හැදින්වෙන තොටගමුවේ ශ්‍රී රාහුල හිමියන් විසින් රචිත සාහිත්‍ය කෘති රාශියකි.පරෙවිසංදේශය,සැලළිහිණිසංදේශය,කාව්‍යශේකරය,පංචිකාප්‍රදීපය, බුද්ධිප්පසාදනී ආදී සාහිත්‍ය කෘති අද දිනයේත් සාහිත්‍ය අඹරේ දිදුලන තාරුකා මෙන්ය.
"තොටගමුවේ ශ්‍රී රාහුල හිමියන් සංදේශ කාව්‍ය රචනා කලේ සාහිත්‍ය රසය ඉස්මතු කිරීමට පමනක්ද?" ලෙස මේ ලිපියට මාතෘකා යොදා ඇතත් එම මාතෘකාවට අදාළ පරිදි සාහිත්‍යමය විශ්ලේශනයකින් යුතුව මෙම ලිපිය ලිවීමට මාහට නොහැකිය.ඒ පිළිබදව පළමුවෙන්ම පාඨක ඔබගෙන් සමාව අයදිමි.සත්‍ය ලෙසම තොටගමු හිමියන් විසින් රචිත සංදේශ කාව්‍ය එකක්වත් මා විසින් පූර්ණ ලෙස හෝ අර්ධ ලෙස හෝ කියවා නැත.පාසැල් යන අවධියේ සාමාන්‍ය පෙළ විභාගයට අදාළ සිංහල සාහිත්‍ය පාඩම් පොත් පෙලෙහි අතරින් පතර දක්වා තිබූ සැලළිහිනි,පරෙවි සංදේශ කෘති වල කවි කිහිපයක් හැරුණු විට ඒ පිළිබදව ඊට වැඩි දැනුවත් වීමක් ලබා නැත.එම කවිද එකල භාවිතා කලේ විභාගය සමත් වීමට සිතා මිස සාහිත්‍ය රසයක් ලැබීමට අදහසකින් නොවේය.
තොටගමු හිමියන් රචිත සැලලිහිනි පරෙවි සංදේශ කාව්‍ය කෘති පිළිබදව ලියැවුනු සාහිත්‍ය විශ්ලේශන කෘති රාශියකි.ඉන් බොහොමයක එම සංදේශ කෘති වල විදහන පොදු ලක්‍ෂණයන් වන පාරම්පරික ජන සමාජය හා බැදුනු පුරවර හා පාරසරික අසිරිය දැක්වීම,තෙරුවන් බලය,ජ්‍යොතිෂය,දේව භක්තිය ආයාචනය හා අරමුන කරා ලඟා වීමයි.
තොටගමු හිමියන් විසින් රචිත පලමු සංදේශ කාව්‍යය වන පරෙවි සන්දේශය ලියන ලද්දේ රජුගේ වැඩිමහල් දියණිය වූ චන්ද්‍රවතී කුමරියට සුදුසු සැමියෙකු සහ පුත්‍රයෙකු ලබා දෙනු පිණිස දෙවියන් යැදීම උදෙසා ය. රජුගේ බාල දියණිය වූ උලකුඩය කුමරියට පුත් රුවණක් ලබා දෙන ලෙස කැලණියේ විභීෂණ දෙවිඳුන්ගෙන් අයැද සිටීම සැළලිහිණි සන්දේශයේ පරමාර්ථයයි.
තොටගමු හිමියන් විසින් රචනා කරන ලද සන්දේශ කාව්‍යයන් පිළිබදව විග්‍රහ කරන්න් 100%ක් වාගේ දක්වා ඇත්තේ ඒවායේ දක්නට තිබූ සාහිත්‍යමය විචිත්‍රතාවය පිළිබදවය.නමුත් එම සංදේශ කාව්‍යය තුලින් විශාල වශයෙන් ඉස්මතු කොට දක්වා නැතත් තොටගමු හිමිගේ ජීවන තොරතුරු විමසා බැලීමෙන් පමනක් වටහා ගත හැකි සුවිශේෂී කරුණු කාරණා කිහිපයක්ද ඇත.මෙම කෙටි සටහනෙන් දැක්වීමට අදහස් කලේ තොටගමු හිමියන් විසින් සංදේශ කව්‍යය රචනා කිරීමට හේතු කාරක වූ මානුෂික බැදීම් පිළිබද විස්තරයක් ඉදිරිපත් කිරීම පිණිසය.
තොටගමු හිමි කුඩා කාලයේදීම ස්වකීය පියා වූ වික්‍රමබාහු කුමරු හදිසියේ මියගිය පසු සයවන පැරකුම්භා රජු තොටගමු හිමිගේ මව භාර්්‍යා තනතුරට ගත්තේය.පැරකුම් රජුට පුතුන් නොවීය.සිටියේ දියනියන් දෙදෙනෙකි.හුරුබුහුටි නුවනැති දෙමටාන කුමරුට(තොටගමු හිමිගේ ගිහි නම) රජු තමන්ගේම දරුවකු සේ සැලකුවේය.මේ නිසාම කුඩා දරුවාද රජුට මහත් ලෙන්ගතු කමක් දැරීය.පැවිදි දිවියට ගියත් තොටගමු හිමි රජ පවුල සමඟ සමීප සම්බන්ධයක් තිබුනි.කුඩා කල තමා සමඟ හැදුනු රජ දියනියන් දෙදෙනා තොටගමු හිමිට සොයුරියන්මෙන් ලෙන්ගතු අය විය.වැඩිමල් රජ දියණිය වූ චන්ද්‍රවතී කුමරියට නිසි වයස පිරුණත් විවාහයක් සිදු නොවුනු බව දැනගත් තොටගමු හිමියන් ඇයට ස්වාමියකු ලබාදී උතුම් පුත් රුවනක් ලබා දෙන ලෙස දෙවියන් යැදීමේ (සෙත් ශාන්තිය) කටයුත්ත සිදු කිරීමේ ප්‍රතිඵලයක් ලෙස පරෙවි සංදේශය බිහිවිය.තොටගමු හිමිගේ ප්‍රාර්ථනා සඵල කරමින් ඇය විවාහ දිවියට එලැබී දරුවන් ලැබුවාය.පරෙවි සංදේශ කාව්‍යයේ ප්‍රධාන අරමුන එය වුවත් තොටගමු හිමියන්ගේ භාෂා හා කව්‍ය හැකියාවේ ඔපයෙන් හැඩ ගැන්වුනු එම කාව්‍ය කෘතිය එදා සිට අද දක්වා උසස් සාහිත්‍ය කෘතියක් ලෙස සාහිත්‍යදරයන් අතර භාවිතාවේ.
පරෙවි සංදේශය කෘතිය රචබනාවට පාදක වූ ලෙසම සැළලිහිණි සංදේශය රචනා කිරීමටද පාදක වූයේ රජ පවුලේ සිද්ධියකි.රජුගේ බාල දියණිය වූ උලකුඩය කුමරියට විවාහ වී බොහෝ කාලයක් යනතුරු දරුවන් නොවීය.තම සහෝදරියට පුත් රුවනක් ලබා දෙන ලෙස ලක්දිව සතර වරම් දෙවියකු වූ විභිෂණ දෙවි අයැදීමේ කටයුත්ත කිරීමට තොටගමු හිමියන් සැළලිහිණි සංදේශය රචනා කලේය.එමෙන්ම තොටගමු හිමියන් විසින් කාව්‍යශේඛරය නම් මහා කාව්‍යය රචනා කළේ ද උලකුඩය දේවිය කළ ඇරියුමකින් බව ද එකී ග්‍රන්ථයෙහි ආරම්භයෙහි දී ම සඳහන් වේ.
මේ අනුව බලන විට තොටගමු හිමියන් සංදේශ කාව්‍යයන් රචනා කිරීමේ මූලික අරමුන ස්වකීය සොයුරියන්ට සෙත් පැතීම පිණිසය.ඒවා සාහිත්‍ය කෘති ලෙස පත්කරවීමේ මානසිකත්වයක් තොටගමු හිමියන්ට මූලික ලෙස නොතිබුනත් උන් වහන්සේටත් නොදැනීම මානුෂික හැගීම් ඔස්සේ ලියුවුනු එම කෘති එම තත්ත්වයට ඉබේම වාගේ පත්වී ඇත.
සවැනි පැරකුම්භා රජු විසින් තොටගමු හිමි දරුකමට සාදාගත් අයුරින් තවත් කුමාරවරු දෙදෙනෙක් කුඩා කල සිට දරු කමට හදා වඩා ගත්තේය.ඒ සපුමල් කුමරු හා අම්බුළුගල කුමරුය.පසු කලෙක තමාට රජකම නොලැබීම හේතුවෙන් සපුමල් කුමරු විසින් රජ පවුලට සම්බන්ධ කුමාරවරු කහිප දෙනෙක් රහසේ මරා දැමීය.තමා කුඩා කල හැදුනු වැඩුනු රජ පවුලේ අය ඝාතනය වීම පිළිබදව තොටගමු හිමියන් සපුමල් කුමරුට ප්‍රසිද්ධියේ චෝදනා කලේය.මේ නිසා තොටගමු හිමියන්ද සපුමල් කුමරුගේ වෛරයට ලක්විය.අවස්ථා කීපයකදී තමාව ඝාතනය කිරීමට උත්සාහ ගැනීම් දුටු තොටගමු හිමියන් කලකිරී වර්තමාන ඇල්පිටිය අම්බන ප්‍රදේශයේ ගල්ලෙනක රහසිගතව අවසාන කාලය ගත කලේය.එය එසේ නොවුනි නම් තොටගමු හිමියන් විසින් තවත් සාහිත්‍ය කෘති බිහිවීමට ඉඩ තිබුනි.
තොටගමු ශ්‍රී රාහුල හිමියන්ගේ ජීවන තොරතුරු හා බැදුනු රසකතා විශාල ප්‍රමාණයක් ඇත.පෙර ලිපි වලින් ඉන් කිහිපයක් දැක්විය.වයසින් මුහුකුරා ගිය තොටගමු හිමියන් ජ්‍යොතිෂය හා ගුප්ත ශාස්ත්‍රයන් යොදා ගෙන සිදු කල අපූරු රසවත් දේවල් මෙන්ම විදාගම මෛත්‍රි ,තොටගමු ශ්‍රී රාහුල හා වෑත්තෑවේ හිමි යන තුන් ඈදුතු ගුරු ගෝල හිමිවරුන්ගේ ජිවන තොරතුරු සම්බන්ධ කතාන්දර කිහිපයක් ඉදිරියේදී ඉදිරිපත් කිරීමට අදහස් කරමි.
------------------ මතු සම්බන්ධයි. ---------------------------
"තොටගමුවේ ශ්‍රී රාහුල හිමියන් සංදේශ කාව්‍ය රචනා කලේ සාහිත්‍ය රසය ඉස්මතු කිරීමට පමනක්ද?" ලෙස මේ ලිපියට මාතෘකා යොදා ඇතත් එම මාතෘකාවට අදාළ පරිදි සාහිත්‍යමය විශ්ලේශනයකින් යුතුව මෙම ලිපිය ලිවීමට මාහට නොහැකිය.ඒ පිළිබදව පළමුවෙන්ම පාඨක ඔබගෙන් සමාව අයදිමි.සත්‍ය ලෙසම තොටගමු හිමියන් විසින් රචිත සංදේශ කාව්‍ය එකක්වත් මා විසින් පූර්ණ ලෙස හෝ අර්ධ ලෙස හෝ කියවා නැත.පාසැල් යන අවධියේ සාමාන්‍ය පෙළ විභාගයට අදාළ සිංහල සාහිත්‍ය පාඩම් පොත් පෙලෙහි අතරින් පතර දක්වා තිබූ සැලළිහිනි,පරෙවි සංදේශ කෘති වල කවි කිහිපයක් හැරුණු විට ඒ පිළිබදව ඊට වැඩි දැනුවත් වීමක් ලබා නැත.එම කවිද එකල භාවිතා කලේ විභාගය සමත් වීමට සිතා මිස සාහිත්‍ය රසයක් ලැබීමට අදහසකින් නොවේය.
තොටගමු හිමියන් රචිත සැලලිහිනි පරෙවි සංදේශ කාව්‍ය කෘති පිළිබදව ලියැවුනු සාහිත්‍ය විශ්ලේශන කෘති රාශියකි.ඉන් බොහොමයක එම සංදේශ කෘති වල විදහන පොදු ලක්‍ෂණයන් වන පාරම්පරික ජන සමාජය හා බැදුනු පුරවර හා පාරසරික අසිරිය දැක්වීම,තෙරුවන් බලය,ජ්‍යොතිෂය,දේව භක්තිය ආයාචනය හා අරමුන කරා ලඟා වීමයි.
තොටගමු හිමියන් විසින් රචිත පලමු සංදේශ කාව්‍යය වන පරෙවි සන්දේශය ලියන ලද්දේ රජුගේ වැඩිමහල් දියණිය වූ චන්ද්‍රවතී කුමරියට සුදුසු සැමියෙකු සහ පුත්‍රයෙකු ලබා දෙනු පිණිස දෙවියන් යැදීම උදෙසා ය. රජුගේ බාල දියණිය වූ උලකුඩය කුමරියට පුත් රුවණක් ලබා දෙන ලෙස කැලණියේ විභීෂණ දෙවිඳුන්ගෙන් අයැද සිටීම සැළලිහිණි සන්දේශයේ පරමාර්ථයයි.
තොටගමු හිමියන් විසින් රචනා කරන ලද සන්දේශ කාව්‍යයන් පිළිබදව විග්‍රහ කරන්න් 100%ක් වාගේ දක්වා ඇත්තේ ඒවායේ දක්නට තිබූ සාහිත්‍යමය විචිත්‍රතාවය පිළිබදවය.නමුත් එම සංදේශ කාව්‍යය තුලින් විශාල වශයෙන් ඉස්මතු කොට දක්වා නැතත් තොටගමු හිමිගේ ජීවන තොරතුරු විමසා බැලීමෙන් පමනක් වටහා ගත හැකි සුවිශේෂී කරුණු කාරණා කිහිපයක්ද ඇත.මෙම කෙටි සටහනෙන් දැක්වීමට අදහස් කලේ තොටගමු හිමියන් විසින් සංදේශ කව්‍යය රචනා කිරීමට හේතු කාරක වූ මානුෂික බැදීම් පිළිබද විස්තරයක් ඉදිරිපත් කිරීම පිණිසය.
තොටගමු හිමි කුඩා කාලයේදීම ස්වකීය පියා වූ වික්‍රමබාහු කුමරු හදිසියේ මියගිය පසු සයවන පැරකුම්භා රජු තොටගමු හිමිගේ මව භාර්්‍යා තනතුරට ගත්තේය.පැරකුම් රජුට පුතුන් නොවීය.සිටියේ දියනියන් දෙදෙනෙකි.හුරුබුහුටි නුවනැති දෙමටාන කුමරුට(තොටගමු හිමිගේ ගිහි නම) රජු තමන්ගේම දරුවකු සේ සැලකුවේය.මේ නිසාම කුඩා දරුවාද රජුට මහත් ලෙන්ගතු කමක් දැරීය.පැවිදි දිවියට ගියත් තොටගමු හිමි රජ පවුල සමඟ සමීප සම්බන්ධයක් තිබුනි.කුඩා කල තමා සමඟ හැදුනු රජ දියනියන් දෙදෙනා තොටගමු හිමිට සොයුරියන්මෙන් ලෙන්ගතු අය විය.වැඩිමල් රජ දියණිය වූ චන්ද්‍රවතී කුමරියට නිසි වයස පිරුණත් විවාහයක් සිදු නොවුනු බව දැනගත් තොටගමු හිමියන් ඇයට ස්වාමියකු ලබාදී උතුම් පුත් රුවනක් ලබා දෙන ලෙස දෙවියන් යැදීමේ (සෙත් ශාන්තිය) කටයුත්ත සිදු කිරීමේ ප්‍රතිඵලයක් ලෙස පරෙවි සංදේශය බිහිවිය.තොටගමු හිමිගේ ප්‍රාර්ථනා සඵල කරමින් ඇය විවාහ දිවියට එලැබී දරුවන් ලැබුවාය.පරෙවි සංදේශ කාව්‍යයේ ප්‍රධාන අරමුන එය වුවත් තොටගමු හිමියන්ගේ භාෂා හා කව්‍ය හැකියාවේ ඔපයෙන් හැඩ ගැන්වුනු එම කාව්‍ය කෘතිය එදා සිට අද දක්වා උසස් සාහිත්‍ය කෘතියක් ලෙස සාහිත්‍යදරයන් අතර භාවිතාවේ.
පරෙවි සංදේශය කෘතිය රචබනාවට පාදක වූ ලෙසම සැළලිහිණි සංදේශය රචනා කිරීමටද පාදක වූයේ රජ පවුලේ සිද්ධියකි.රජුගේ බාල දියණිය වූ උලකුඩය කුමරියට විවාහ වී බොහෝ කාලයක් යනතුරු දරුවන් නොවීය.තම සහෝදරියට පුත් රුවනක් ලබා දෙන ලෙස ලක්දිව සතර වරම් දෙවියකු වූ විභිෂණ දෙවි අයැදීමේ කටයුත්ත කිරීමට තොටගමු හිමියන් සැළලිහිණි සංදේශය රචනා කලේය.එමෙන්ම තොටගමු හිමියන් විසින් කාව්‍යශේඛරය නම් මහා කාව්‍යය රචනා කළේ ද උලකුඩය දේවිය කළ ඇරියුමකින් බව ද එකී ග්‍රන්ථයෙහි ආරම්භයෙහි දී ම සඳහන් වේ.
මේ අනුව බලන විට තොටගමු හිමියන් සංදේශ කාව්‍යයන් රචනා කිරීමේ මූලික අරමුන ස්වකීය සොයුරියන්ට සෙත් පැතීම පිණිසය.ඒවා සාහිත්‍ය කෘති ලෙස පත්කරවීමේ මානසිකත්වයක් තොටගමු හිමියන්ට මූලික ලෙස නොතිබුනත් උන් වහන්සේටත් නොදැනීම මානුෂික හැගීම් ඔස්සේ ලියුවුනු එම කෘති එම තත්ත්වයට ඉබේම වාගේ පත්වී ඇත.
සවැනි පැරකුම්භා රජු විසින් තොටගමු හිමි දරුකමට සාදාගත් අයුරින් තවත් කුමාරවරු දෙදෙනෙක් කුඩා කල සිට දරු කමට හදා වඩා ගත්තේය.ඒ සපුමල් කුමරු හා අම්බුළුගල කුමරුය.පසු කලෙක තමාට රජකම නොලැබීම හේතුවෙන් සපුමල් කුමරු විසින් රජ පවුලට සම්බන්ධ කුමාරවරු කහිප දෙනෙක් රහසේ මරා දැමීය.තමා කුඩා කල හැදුනු වැඩුනු රජ පවුලේ අය ඝාතනය වීම පිළිබදව තොටගමු හිමියන් සපුමල් කුමරුට ප්‍රසිද්ධියේ චෝදනා කලේය.මේ නිසා තොටගමු හිමියන්ද සපුමල් කුමරුගේ වෛරයට ලක්විය.අවස්ථා කීපයකදී තමාව ඝාතනය කිරීමට උත්සාහ ගැනීම් දුටු තොටගමු හිමියන් කලකිරී වර්තමාන ඇල්පිටිය අම්බන ප්‍රදේශයේ ගල්ලෙනක රහසිගතව අවසාන කාලය ගත කලේය.එය එසේ නොවුනි නම් තොටගමු හිමියන් විසින් තවත් සාහිත්‍ය කෘති බිහිවීමට ඉඩ තිබුනි.
තොටගමු ශ්‍රී රාහුල හිමියන්ගේ ජීවන තොරතුරු හා බැදුනු රසකතා විශාල ප්‍රමාණයක් ඇත.පෙර ලිපි වලින් ඉන් කිහිපයක් දැක්විය.වයසින් මුහුකුරා ගිය තොටගමු හිමියන් ජ්‍යොතිෂය හා ගුප්ත ශාස්ත්‍රයන් යොදා ගෙන සිදු කල අපූරු රසවත් දේවල් මෙන්ම විදාගම මෛත්‍රි ,තොටගමු ශ්‍රී රාහුල හා වෑත්තෑවේ හිමි යන තුන් ඈදුතු ගුරු ගෝල හිමිවරුන්ගේ ජිවන තොරතුරු සම්බන්ධ කතාන්දර කිහිපයක් ඉදිරියේදී ඉදිරිපත් කිරීමට අදහස් කරමි.
------------------ මතු සම්බන්ධයි. ---------------------------
No comments:
Post a Comment