රාහුල පොඩි හාමුදුරුවන්ගේ උප්පරවැට්ටියට අහුවෙලා ලොකු හාමුදුරුවන්ට බළල් වසුරු කන්න වෙච්ච එකට ලොකු හාමුදුරුවෝ හිටියේ ටිකක් ලැජ්ජාවෙන්.මොන ගුරාද කැමති ගෝලයට සෙකන්ඩ් වෙන්න..ඉතින් කොයි වෙලේ හරි ගෝලයව පරද්දන්න තමයි විදාගම හාමුදුරුවොත් මාන බලාගෙන හිටියේ...
රාහුල හාමුදුරුවන්ගේ පූස් පැටියව ගිහින් දාන්න කියල මුලින් කිව්ඬට පස්සේ පස්සේ ලොකු හාමුදුරුවෝ පූස් පැටියට පොඩි හාමුදුරුවන්ටත් වඩා ලංවුනා.ලොකු හාමුදුරුවෝ පූස් පැටියට එළියට ගිහින් කක්ක කරන්න.එතකොට සෙල්ලම් කරන්න වගේ දේවල් පුරුදු කලා.ඒ විතරක් නෙවෙයි තවත් දේවල් පුරුදු කලා.පූසෙකුට කරන්න තියා හිතන්නවත් බැරි දේවලුත් නායක හාමුදුරුවෝ මේ පූසා පුටියට පුරුදු කලා.නායක හාමුදුරුවෝ රාත්‍රියේ පොත් බලනකොට ලන්තෑරුම අල්ලන්න පූස් පැටියව පුරුදු කලා කියලා හිතන්නවත් පුළුවන්ද?ඒත් නායක හාමුදුරුවෝ ඒ වැඩේත් හරි අපූරුවට පූසට පුරුදු කලා.
පුස් පැටියාට ලන්තෑරුම අල්ලන්න පුරුදු කරපු එක යොදාගෙන ගෝලනම පරද්දන්න පුළුවන් කියලා විදාගම හිමියන්ට අදහසක් පහළ වුනා එහෙම හිතලා දවසක් විදාගම හාමුදුරුවෝ රාහුල හාමුදුරුවන්ගෙන් මෙන්න මෙහෙම අහනවා.
"රාහුල පොඩි නම කියන්න බලන්න වැඩියෙන් ලොකු ජන්මෙද පුරුද්දද කියලා"
"ජන්මේ පුරුද්දට වඩා ලොකුයි අපේ හාමුදුරුවනේ."
" නෑ නෑ පොඩි නම ජන්මෙට වඩා පුරුද්ද ලොකුයි.මම ඒක අදා රූට පොඩි නමට පෙන්නමන්නම්කෝ."
ඔන්න ඉතින් එදා රාත්‍රියේ ලොකු හාමුදුරුවෝ පොඩි නමත් එක්කගෙන ආවාස ගෙට ගිහින් පොතක් අරගෙන මේසේ උඩ තියාගෙන බලන්න ගත්තා පූසත් ඉතින් කලින් පුරුදු කරපු විදියටම හරි අපූරුවට මේසේ උඩට නැගලා ලන්තෑරුම අල්ලගෙන ඉන්නවා නායක හාමුදුරුවන්ට පොත බලන්න පුළුවන් විදියට
"දැක්කද පොඩි නම මේ පූසට ලන්තෑරුම අල්ලන එක ජන්මෙන් ආවේ නැති වුනාට පුරුද්දෙන් ඇති වෙලා තියෙන හැටි.ඉතින් ජන්මෙට වඩා පුරුද්ද ලොකුයි කියලා පොඩි නමට පිළිගන්න වෙනවා නේද?"
"ලොකු හාමුදුරුවෝ කිව්ඬ දේට කිසිවක් නොකියා සිනාවකින් සංග්‍රහ කළ රාහුල හිමි අසල පිහිටද මී කූඩුවක සිටි මීයෙකු එළියට ගෙන අර පූසාට පෙනෙන තැනකින් තිබ්බේය.මීයා දුටු පූසා ලන්තෑරුම ඇල්ලීම පසෙක ලා මියා පසුපස දුවන්නට විය.
"දැක්කද ලොකු හාමුදුරුවනේ.පුරුද්දට වඩා ජන්මේ ලොකු වෙච්චි හැටි."
විදාගම හිමි එදිනත් ගෝලයාට පැරදුනි.
---------------- මතු සම්බන්ධයි. ---------------
No comments:
Post a Comment