ජුනි 19 ගුරු මාරුව ඔබට රටට කොහොමද?

  ග්‍රහ ලොව පුරෝහිත හෙවත් ගුරුන්නාන්සේ ලෙස විරුදාවලී ලත් බ්‍රහස්පති හෙවත් ගුරු ග්‍රහයා 2014 ජුනි මස 19 දින ස්වකීය උච්ච ස්ථානය වූ කටක රාශියට පිවිසේ.වසර 12 කට පසු සිදුවන ගුරුගේ උච්ච වීම පැහැදිලිවම යහපත උදා කරවන තත්තවයකි.“උච්ච ගුරු කොතනටත් හොඳයි“ යන පඩි වදනේ හැටියටම ස්ථාන දුබලවීමද පරයමින් මෙවර ගුරු මාරුවෙන් ලග්න දොලහටම සුභඵල උදා කරන අතර උපන් බලය මහ දශාවන් හා වෙනත සුභ අසුභ ග්‍රහ දෘෂ්ටි මෙන්ම  මෙම වසරේ සිදුවන අනිකුත් ප්‍රධාන ග්‍රහ ඉගිලීම් වන ජූලි 12 රාහු කේතු මාරුව නොවැම්බර් 02 ශනි මාරුවේ බලපෑම් අනුව යම් යම් විචලතා ඇතිවේ.

     ලෝකායන ජ්‍යොතිෂය අනුව ගුරු ග්‍රහයා නියෝජනය කරන්නේ ආගමික ස්ථාන ,ආගමික නායකයන්,බැංකු මූල්‍ය ආයතන,උසස් අධ්‍යාපන ආයතන,.... ආදියයි ඒ අනුව එවැනි කෙෂත්‍ර හා ස්ථාන වල දියුණුව සුභ සිද්ධිය සැලසෙන බව සිතිය හැක.ගුරු ග්‍රහයා උපරිම උච්ච බලය ලබන්නේ කටන රාශියේ පස් වන අංශකයේදී නිසා ගුරු මාරුවේ නියම සුභඵල මතු වීමට ජුනි 19 පසුවී මාසයක් දෙකක් පමණ ගත විය යුතුය.

  ගුරු කටක රාශියට පිවිසෙන 2014 ජුනි 19 දින උදෑසන 8.46 වේලාවට ලංකාවට පෙරදිගින් උදාවන්නේද කටක ලග්නයයි.මෙම තත්කාලයේ ගුරු උච්චාසන්න බලයට අමතරව දිග්බලාසන්නව සිටීම විශේෂයකි.ලංකා කුම්භ කේන්ද්‍රය සැලකූ විට පරසතුරු අවධානම ඇති වුවත් සතුරු ස්ථානයේ ගුරු උච්ච වීම ජනාධිපති තුමාගේ කන්‍යා ලග්න ජක්ම කේන්ද්‍රයට ගුරු මාරුවෙන් සිදුවන සුභ තත්වය සැලකූ විට එම සතුරු බලවේග මර්ධනය වීමක් සිදුවේ. ගුරු කටකයේ ගමන් කෙරෙන 2015 ජූලි 13 දක්වා කාලය තුලදී 2014 දෙසැම්බර් 09 වක්‍ර වීමක්(ආපසු හැරීම) හා 2015 අප්‍රේල් 08 නිවෘති(වක්‍ර ගමන නතර කිරීම) වීමක් සිදුවන අතර 2014 අගෝස්තු 03 හා අගෝස්තු 18 දිනවලදී පිළිවෙලින් බුධ හා සිකුරු සමඟ යුධ වැදී(එකම දේශාංශක වල ගමන් කිරීම) පරාජයට පත්වේ (දේශාංශකයේ දකුණු පසට හැරේ).ගුරුගේ අස්තවීමක් (රවිට ආසන්න වීම) 2014 ජූලි මස මැදදී සිදුවේ.

 මේෂ

      හතරවැන්නේ ගුරු හංස යෝගය ගෝචරයෙන් උදා කරමින් සිදුවන ගුරු මාරුව නිසා ගේ දොර ඉඩ කඩම්  වාසනාව උදා කරයි.වසර අග (නොවැම්බර් 02) දින ශනි අටවැන්නට යාමෙන් මතුවන අෂ්ඨම ඒරාශ්ඨක අපලය නිසා වසර අගදී සුභඵල අඩුවුවත් එම එ්රාශ්ඨක අපල විෂ අඩු කිරීමට ගුරු බලය හේතුවේ.උපතේදී ගුරු 6 සිටින්නන්ට සෞඛ්‍ය පීඩා වැඩියි

වෘෂභ

     ගුරු උච්ච වීම තුන්වැන්නේය.ගුරු තුනට නරක වුවත් උච්ච බලය නිසා අපල නැත.උච්ච ගුරුගේ පූර්ණ දෘෂ්ටිය හතට වැටෙන නිසා බලවත් මංගල යෝග උදා කරයි.සහෝදර සහෝදරියන් සම්බන්ධ අමනාප සිත් තැවුල් ඇති කල හැක.

මිථුන 

     ගුරු දෙවැන්නේ උච්ච වීම මිශ්‍ර ඵලයි.ගනුදෙනු වලදී ප්‍රෙව්සම් විය යුතු අතර සේසතම අහිමි වන තරමේ තත්ත්ව හිටි හැටියේ ඉස්මතු විය හැක.මංගල යෝග උදාවට හොඳයි.ඇස්,කන් ආදියේ අසනීප ඇති අය පුවේශම් වන්න.එම ස්ථාන වල පීඩා තත්ත්ව ඇති වීමද විය හැක.

කටක

  ගුරු මාරුව හොඳම කටකයටයි.යෝගකාරකයකු නිසා ඉගෙනුම ධනය දියුණුව,සෞඛ්‍ය තත්ත්වය ආදී සෑම අතින්ම සුභදායකයි.ගුරු මහ දශාව ඇත්තන්ට සුපිරි සුභඵල උදා කරයි.උපතේදී සදු පහේ සිටින කටක ලග්න හිමියන්ට 2014 නොවැම්බර් 2 ශනි මාරුවෙන් චන්ද්‍ර ඒරාශ්ඨක අපල ලබන නිසා එවැනි අයට නොවැම්බර් වලින් පසු සුභඵල හීන කරයි.

සිංහ

    12 වැන්නට ගුරු ගියත් උච්ච බලය නිසා අපල නැත.වියදම් පැත්ත වැඩිවේ.ඉගෙනුම කරන්නන් උනන්දුවෙන් වැඩ කල යුතු කාලයකි.උපතේදී සදු හතරේ ඇති කටක ලග්න හිමියන්ට හැර අන් අයට තදබල ශනි ඒරාශ්ඨක අපල ලැබීමක් ඉදිරියට නැති නිසා බිය විය යුතු තත්වයක් නැත.කේතු මහ දශා ගත කරන්නන්ට ජූලි 12 න් පසු වෛරස් රෝග සෙම් රෝග අවධානම වැඩියි.

කන්‍යා

    11 වැන්නේ සිදුවන ගුරුගේ උච්ච බලය 7ත් වැන්නටද බලපාන නිසා අවිවාහක කන්‍යා ලග්න හිමියන්ටත් විවාහය සිදුවීමට තරමි බලවත් මංගල යෝග උදා කරයි.(කේතු මහ දශා ගත කරන්නන්ට හා උපතේදී කේතු 7 සිටින අයට මංගල යෝග උදා බලය අඩුයි.)උසස් මට්ටමේ ප්‍රභු උදවු ලැබෙන අතර ආදායමටද හොඳයි.

තුලා 

   කේන්ද්‍රස්ථානයක වූ 10 වැන්නේ ගුරු උච්ච වීම රැකියාවට හොඳයි.උපතේදී ගුරු 10 සිටින අයට මෙම සුභඵල හොදින් ඉස්මතුවේ.නොවැම්බර් දක්වා ශනි ගමනද උච්ච වුවත් ලග්න ඒරාශ්ඨකයේ මධ්‍ය කොටසේ අවසාන භාගය නිසා ගුරු සුභ බලය ඉස්මතු වීම නොවැම්බර් දක්වා හම් තරමකින් යටපත් වීමක් සිදුවේ

වෘශ්චික

    ගුරු මාරුව සමඟ පීඩාකාරී අටවැන්නෙන් මිදී නව වැන්නේ ගුරු උච්ච වීමත් දොලොස්වැන්නේ ශනි රාහු සංයෝගය බිඳ දමම්න් ජූලි 12 රාහු 11 ට යාමත් වෘශ්චික ලග්න හිමියාට යහපත්ය.ශනිගේ ලග්න ඒරාශ්ඨකය තවත් වසර කීපයක් ඇතත් ගුරු මාරුව ඔබට විශාල සහණයක් ඇති කරවයි.තුවාල අනතුරු අවදානම හා සෞඛ්‍ය පීඩා අඩු කරයි.

ධනු

    ලග්නාධිපති ගුරු උච්ච වුවත් අටට යන නිසා සුභඵල අඩුයි.නොවැම්බර් මස ශනි මාරුවත් සමඟ ශනිගේ අවු හත හමාරේ ලග්න ඒරාශ්ඨක අපලය ලබන නිසා ශන් මහ දශා අතුරු දශා ගත කරන්නන් ප්‍රවේශම් ආරක්ෂාවෙන් වැඩ කටයුතු කරන්න.උපතේදී ගුරු උච්ච හෝ කේෂතු බලවත් නම් (කටක,ධනු මීන රාශිවල සිටීනම්)ආරක්ෂා බලයක් ලැබේ.

මකර

    කටක ලග්නය ලඟට ගුරු මාරුව වඩාත් සුභදායක වන්නේ මකර ලග්න හිමියන්ටය.විවාහ පුමාද වූවන්ට බලවත් මංගල යෝග උදා කරයි.මූල රෝග අඩු කරයි.පවුල් අවුල් ලිහේ.දියුණුවටද හොඳයි.නොවැම්බර් 02 ශනි මාරුවෙන් ශන් 11 වැන්නට යාම සුභඵල තවදුරටත් වැඩි කරයි.උපතේදී සදු 11 සිටින්නන්ට පමනක් ශන්ගෙන් ලැබීම තරමක් අඩි කරවයි.

කුම්භ

    ගුරු උච්ච වූවත් හය වැන්නේ නිසා සෞඛ්‍ය තත්ත්වයෙන් අසුභදායකය.සතුරු කරදර ඉස්මතු කලත් ඔබට ඒවා මර්ධනය කිරීමේ බලයද ලැබේ.නොවැම්බර් වලින් පසු රැකියා පීඩා වැඩි කරයි.

මීන

    ලග්නාධිපති ගුරුගේ චස්වැන්නේ සිදුවන උච්ච වීම ඔබට යහපත්ය.නොවැම්බර් 02 දක්වා අටවැන්නේ අපලව ගමන් කරන ශනිගෙන් ඇති කරන දරුණු අපල තත්ත්වයන් වලින් පවා ආරක්ෂාවක් ගුරු බලයෙන් ලැබේ.ගෘහ ජීවිතය සමගිය ඇති කරයි.ඉගෙනුම ලබන්නන්ටද මහත් සුභපල ලබාදේ.