ඒකාවලී යෝගය හා එහි දොලොස් ආකාර මාලිකා යෝග පිළිබදව ජ්‍යොතිෂ පුවත්පත් සඟරා ආදියෙහි විස්තර ලිපි කලින් කලට එලි දැක්වී ඇතත් ඒකාවලීයෝගය කේන්ද්‍රයක යෙදෙන ආකාරය පිළිබදවත් ඒකාවලී යෝගය හා වීණා යෝගය පටලවා වැරදි අර්ථ කථන දක්වා ඇති පොත්පත් ලේඛනද වර්තමානයේඑළිදැක්වී ඇත."කලියුගයේදී ජ්‍යොතිෂය මියයයි.නමුත් අන්ධව යළි ඉපදේ" යනුවෙන් බෘහත් පරාශරයේ දැක්වෙන පාඨය සිහිගන්වන මෙම වැරදි ලිපි ලේඛන වලඅයහපත් බලපෑමෙන් මතු ජ්‍යොතිෂ පරපුර බේරාගනු වස් "ඒකාවලී යෝගය" යෝගය හා මාලිකා යෝග පිළිබදවත් වීණා යෝගය පිළිබදවත් සවිස්තරයක් මෙමලිපියෙන් ලිවීමට සිතුවේ හතු පිපෙන්නාක් මෙන් එළිදැක්වෙන සිංහළ ජ්‍යොතිෂ පොත්පත්වල දැක්වෙන විස්තර ඔළුවට ගැනීමට ප්‍රථම පුරාණ පොත්පත්වල ඒපිළිබදව දක්වා ඇති විස්තරද හොදින් විමර්ශනය කිරීම හා වැඩිහිටි ජ්‍යොතිෂ උගතුන්ගේ ගුරු හරුකම්ද ලැබිය යුතුය යන කරුණද මතක් කරමිනි.
ඒකාවලී යෝගය
යෙදෙන ආකාරය -
එකපෙළට වූ අනුයාත රාශි හතක රාහු කේතු හැර අන් ප්‍රධාන ග්‍රහයන්(රවි,සදු.කුජ,බුධ,ගුරු,
ඵල විපාක
ඒකාවලී යෝගයේ පොදු ඵල විපාක ලෙස සතුරන් මැඩ ජය ලබයි.පාලනයට යෝග්‍යවේ.උත්සාහවන්ත කාර්යක්‍ෂම ගතිය ඇත.අන්අයට යටත් වීමටඅකමැතිය.කීර්තිය ගෞරවය ලබයි.උත්සාහයෙන් දියුණුව ලබා සුවපහසු දිවියක් ලැබීම දැක්විය හැකියි. නමුත් ඒකාවලී යෝගයේ නියම ඵල විපාක විමසා බැලියයුත්තේ යෝගය යෙදෙන අනුයාත රාශි හත අනුව බෙදා ඇති දොළොස් ආකාර වූ මාලිකා යෝග අනුව ඵල විපාක විමසීමයි.
1) ලග්න මාලිකා යෝගය
ලග්නයේ සිට හත්වැන්න දක්වා එක් භාවයක එක් ග්‍රහයා බැගින් තැන්පත් වීමයි.බලවත් දේශාධිපතියකු හෝ පාලකයකු වන්නේය
2) ධන මාලිකා යෝගය
දෙවන භාවයේ සිට රාශි හතක පිළිවෙලින් ග්‍රහයන් තැන්පත් වීමයි.මහා ධනවතකුවේ.
3) වික්‍රම මාලිකා යෝගය
තුන් වැන්නේ සිට රාශි හතක පිළිවෙලින් තැන්පත් වීමයි.කීර්තිමත් තේජස් වික්‍රම ඇත්තෙක්වේ.
4) ශුභ මාලිකා යෝගය
සිව්වැන්නේ සිට රාශි හතක පිළිවෙලින් තැන්පත් වීමයි.අධික ලෙස සැප සම්පත් විඳින්නාවූ දේශයේ මෙන්ම විදේශයේද ධනය වස්තු ඇත්තකු වේ.
5) පුත්‍ර මාලිකා යෝගය
පස් වැන්නේ සිට රාශි හතක පිළිවෙලින් තැන්පත් වීමයි.උතුම් පුත්‍ර සම්පත් ඇත්තකු වේ.ඉගෙනීමෙහි සූරවේදරුවන්ගෙන් සැප සම්පත් විදීමේ භාග්‍යලබයි.
6) ශතෘ මාලිකා යෝගය
සයවැන්නේ සිට රාශි හතක පිළිවෙලින් තැන්පත් වීමයි.මාලිකා යෝගයන්ගෙන් අසුභ ඵල ඇති කරවන යෝගයකි.අතිශයින් දිළිදුව සැප සම්පත් අඩුවාසස්ථාන අහිමිවන යෝගයකි.ආහාර වලට කෑදර ගති ඇතැයි කියයි.
7) කලත්‍ර මාලිකා යෝගය
සත්වැන්නේ සිට රාශි හතක පිළිවෙලින් තැන්පත් වීමයි.උසස් යහපත් විවාහ සහකරු/සහකාරියක් හිමිවේ.විවාහයෙන් පසු සැප සම්පත් ලැබීම විඳීමතවතවත් වැඩිවේ.
8) රන්ධ්‍ර මාලිකා
අටවැන්නේ සිට රාශි හතක පිළිවෙලින් තැන්පත් වීමයි.මාලිකා යෝගය පිහිටන තවත් අසුභ ආකාරයකි.දුර්වලවූ හීන දීන ගති ඇති අයෙකු බව සදහන්ය.
9) භාග්‍ය මාලිකා යෝගය
නවවැන්නේ සිට රාශි හතක පිළිවෙලින් තැන්පත් වීමයි.ආගමික කටයුතු වලට නැඹුරු වූ විවිධ ධර්ම ශාස්ත්‍ර පිළිබදව දැනුම ඇත්තාවූ ධාර්මික අයෙකි.
10) කර්ම මාලිකා යෝගය
දසවැන්නේ සිට රාශි හතක පිළිවෙලින් තැන්පත් වීමයි.යුක්තිගරුක නීති අංශ වලට සම්බන්ධ වූ යහපත් පුර වැසියෙකි.අන්‍යයන්ගේ ගෞරවයට ප්‍රාත්‍රවේ.
11) ලාභ මාලිකා යෝගය
එකොළොස්වැන්නේ සිට රාශි හතක පිළිවෙලින් තැන්පත් වීමයි.කුමාර දිවියක් හිමිය.ව්‍යාපාරවලට හොදයි.අන්සතු ධනය පවා හිමිවේ.රූමත් ලදුනගේසමාගමය ලබයි.යහපත් භාර්්‍යාවක්ද ලබයි.කාර්යක්‍ෂම දක්‍ෂ අයෙකි.
12) ව්‍යාස මාලිකා යෝගය
දොළොස්වැන්නේ සිට රාශි හතක පිළිවෙලින් තැන්පත් වීමයි.ඇතැම් පොත්පත් වල යහපත් යෝගයක් ලෙස දක්වා ඇත්තේ ලැබීමට හොද යෝගයක්බැවිනි.නමුත් ඒවා රදවාගැනීමට අසමත්ය.ධනය විනාශ කර ගනී.සල්ලාල ගති පිහිටයි.
නාභස යෝග යටතේ සංඛ්‍යා යෝගයක් ලෙස දක්වා ඇති "වීණා යෝගය" හා ඉහත දැක්වූ ඒකාවලී යෝගය දෙක බොහෝ දෙනා පටලවා ගනී.යෝගයන් දෙකඅතර වෙනස මෙතැනම දැක්වීමට සිතුවේ එබැවිනි.
වීණා යෝගය
රාහු කේතු හැර අන් ප්‍රධාන ග්‍රහයන් සත්දෙනා ඕනෑම රාශී හතක පිහිටීමයි.ඒකාවලී යෝගයෙන් මේ යෝගය වෙනස් වන්නේ ග්‍රහයන් එකපෙලට වූඅනුයාත රාශි හතක තිබීම මෙහිදී අවශ්‍ය නොවීමයි.එක පෙළට සිටියද යෙදේ.ඒ අනුව බලන කල ඒකාවලී යෝගය යෙදීමත් සමඟ වීණා යෝගයද අනිවාර්යෙන්යෙදෙන නමුත් වීණා යෝගය ඇති සෑම විටම ඒකාවලී යෝගය නොයෙදේ.
වීණා යෝගයේ ඵල විපාක.
තමාට හිතවත්වූ කල්‍යාන මිතුරන් ලබයි.කතාවෙහි දක්‍ෂ කලා හැකියාවන් ඇති අයෙකි.උගත් කමින් ප්‍රසිද්ධවේ.විවිධාකාර කටයුතු බොහොමයකට සමත්කම්දක්වයි.මිය ගියද නම රැදේ.
* විශේෂ සටහන්
ඒකාවලී යෝග හා වීණා යෝගය කේන්ද්‍රයක පිහිටන ආකාරය තෝරා ගැනීම හා ඵලාපල දැක්වීම විමසිල්ලෙන් කළ යුතුය.සුභ මෙන්ම අසුභ ප්‍රභේදඒකාවලී යෝගය බෙදා ඇති ප්‍රභේද හදුනාගෙන ඒ ආකාරව කටයුතු කල යුතුමය.මෙම යෝගයන් ඉතා කලාතුරකින් යෙදෙන දුර්ලභ යෝගයන්ය.
ලංකාවේ සිටි ප්‍රභල දේශපාලඥයකු වූ රන්ජන් විජේරත්න මහතාගේ ජන්ම කේන්ද්‍රයේ වීණා යෝගය පිහිටා ඇත.
1931 අප්‍රේල් 4 දා රාත්‍රී (5 වෙනිදාට එළිවෙන) 2.30 ට
No comments:
Post a Comment