විදාගම හිමියන් විජයබා පිරිවෙනේ ගෝලයන්ට ශාස්ත්‍ර ඉගැන්වීමට යාමට පෙර දිනපතා උදෑසන සිදු කල කාර්යයක් විය.තම අල්මාරියේ කුඩා කුප්පියක දැමූ සුවිශේෂී තෙල් වර්ගයකින් ඉතා කුඩා ප්‍රමානයක් දිව ගා ගැනීම උන් වහන්සේගේ දෛනික පුරුද්දක් විය.
කුඩා කුප්පියේ ඇත්තේ ධාරණ ශක්තිය වර්ධනය කරන "මහා සරස්වතී තෛලය" බව වටහා ගත් සාමනේර රාහුල හිමියන් ගුරු හිමියන් සරස්වතී තෙල භාවිතා කරන ආකරය හොර රහසින් බලා සිටියේය.එළු කෙන්දකට තෛලයෙන් බිදක් ගෙන එය කිහිප වරක් ගසා ඉතිරිවන ශේෂය ගුරු හිමියන් දිව ගා ගන්නා බව දුටු රාහුල හිමියන්ට දැක ගත හැකි විය."ගුරු හාමුදුරුවෝ සරස්වතී තෙලෙන් මෙච්චර චුට්ටක් බීලා වැඩ කරන එකේ මේකෙන් උගුරක් බිව්වොත් මට ලොකු බලයක් ලැබේවිනේ."
මෙලෙස සිතු රාහුල හිමියන් ගුරු හිමියන් පන්සලෙන් බැහැර ගිය වේලාවක් බලා අල්මාරිය හැර සරස්වතී තෙල් කුප්පියෙන් උගුරක් කටට හලා ගත්තේය.
මාත්‍රාව ඉක්වවීම නිසා තෙලේ බලය නරක අයුරින් බලපෑවේය.රාහුල හිමි සිහිසුන්ව ඇද වැටුනේය.රාහුල හිමි සිහිසුන්ව වැටෙනු දුටු සිර කිරීමකින් තොරව නිදහසේ පන්සල් භූමියේ සැරිසරන ගිරවා දුටුවේය.
"රාහුලයා මළා..මළා.."
ගිරවා මොර දුන්නේය.
ගිරවාගේ හඩ ඇසී රැස්වූ පිරිස රාහුළ හිමි සිහිසුන්ව වැටී සිටින අයුරු දැක විදාගම හිමියන්ට පණිවුඩයක් හැරියහ.වහා පැමිනි විදාගම හිමියන්ට රාහුල හිමි සරස්වතී තෙල පානය කර ඇති බව වැටහිනි.
සරස්වතී තෛලයේ ම්‍රාතාව වැඩිවූ විට ඇතිවන විෂ තුරන් කිරීමට තන කිරි ඔරුවක ශරීරය තැබිය යුතුය.රාහුල හිමි බේරා ගැනීමට කිරි මව්වරුන් පැමින රාහුල හිමි තබා ඇති බෙහෙත් ඔරුව මව්කිරි වලින් පිරවිය යුතු බව විදාගම හිමි රැස්ව සිටි පිරිසට දැන්වීය.රාහුල හිමිගේ ආයුෂ බලය හා වාසනා බලය නිසාම විවිධ ප්‍රදේශ වලින් කිරි මව්වරු පැමිණ රාහුල හිමි සුවපත්වී එ පිනෙන් අපේ බිළිදු දරුවන්ටත් සෙත් වේවායි පතමින් ඔරුව තන කිරෙන් පිරවූහ.
තෙල් විෂ දුරුවී රාහුල හිමි සුවපත් විය.එමෙන්ම තෙලේ බලය සිරුරේ තැන්පත් වීම නිසා අසීමිත ධාරණ ශක්තියක්ද මෙම සිද්ධියෙන් පසු රාහුල හිමිට ලැබුනි.
--------------------- මතු සම්බන්ධයි. ---------------------------
No comments:
Post a Comment